手機因濕水壞了差不多一星期終於整好...

呢排覺自己冇咩運行..都係靜靜地完埋先!

我眼中其實係好簡單既事但因為人而複雜

點解呢...希望快o的開心番..

 呢個xanga 好似荒廢左咁
係咩令我今日想打呢..冇錯.就係因為.....................

琴日係我民安隊退休既日子
達銘幫我搞左個party
好多人都抽空黎陪我一齊慶祝
好開心....

我2003年入隊..入左五年...學到既野我呢世都唔會忘記
民安隊俾左好多野我..朋友..學習..榮譽...AYP章級..服務..
學到既野其實唔單單係訓練既野..重有好多............
呢個機會係要自己把握

當年既我仲記得係因為學校一定要我參加一個制服團體..
我之後就糊里糊塗咁入左人民記..因為佢套制服唔駛錢
開始個時..我曾經同阿sir想退隊(之後唔記得點解玩番)
玩到而家...真係估我唔到...

所以我要多謝所有既民記朋友仔同李sir..特別係達銘
多謝你同我一齊過左呢五年...呢五年既努力係冇白費
得到咁多都係你地俾我既動力....冇你地..都冇今日

 差唔多一個半月冇打日記..

不過近況都冇咩野好講..

又三月開始就好多野要做
主要都係民安隊俾左好多野我做
令到我私人時間都已經失去左
又三月頭既演講比賽
到上攀山搶救訓練班
之後又要去中山文流
四月頭就上儀仗隊
跟住就上升柴班....唉

搞到因為呢o的活動俾爹娘罵左好多次
我自己都有o的唔知點諗
唔知自己是對定係錯
而家既我可以肯定離大學條路有一定距離
要努力呀..文迪

好耐冇打XANGA

因為行完山之後又要做功課同做遠足報告
冇咩時間
行山既三日真係好難忘..
相信係我最辛苦既一次
因為除左要揹52磅既背囊
路程上計劃行既山都差唔多西貢最難行
真係學到好多野
堅持都係岩既
不過我相信我呢年內都唔會再行山住

之後一路忙做功課
直至上星期五同六晚都冇咩瞓過
因為要做報告
希望金章遠足訓練可以PASS啦
琴日有個壞消息
居然今個星期就要出去講比賽
講稿都未搞得哂..好頭痛
希望黎緊會順利o的

遠足花絮